اوآئی سی نا دیوان اٹی بشخ ہلنگ کن بھارت ءِ تروک آ سلہ نامہ ءِ پدی ہلنگے، سلہ نامہ غان پاکستانی الس و پارلیمان نا گچین مروک آ نمائندہ غاتا است آزاری مس، مقبوضہ کشمیر اٹی مسلمان تیا کروک آ بیدادی ءِ نن گوجالنگ کپنہ
اسلام آباد۔ 27 فروری (اے پی پی) چیئرمین سینیٹ محمد صادق سنجرانی او آئی سی نا باسک ملک آتا پارلیمان آتا سرکڑدہ، اسپیکر و پریذائڈنگ آفیسر آتے بھارتی جارحیت نا برخلاف چھٹی اس نوشتہ کرینے۔ سینیٹ سیکرٹریٹ نا رداٹ چیئرمین سینیٹ چھٹی ٹی نوشتہ کرینے کہ ہزار آ کودک کشمیری مسلمان ، بزرگ ، زالبول و چناتا خون ءِ کننگانے و بے شمار خلقت ءِ پیلٹ گن اٹ معذور کننگانے۔ اوچھٹی ٹی خواست کرینے کہ او آئی سی نا دیوان اٹی بشخ ہلنگ کن بھارت ءِ تروک آ سلہ نامہ ءِ پدی ہلنگے۔ بھارت ءِ تروک آ سلہ نامہ غان پاکستانی الس و پارلیمان نا گچین مروک آ نمائندہ غاتا است آزاری مسنے۔ چھٹی ٹی نوشتہ کننگانے کہ او آئی سی مقبوضہ کشمیر اٹی کودک شاری تیا مروک آ بیدادی آ مدام تاریخی موقف اس اختیار کرینے۔ دنیا نا ہراکہ ڈیہہ ٹی مسلمانک تکلیف اٹی مریر تو جغرافیائی دنگ آن قطع نظر ایلو غٹ مسلمانک او تکلیف ءِ محسوس کیرہ۔ بھارتی مقبوضہ کشمیر اٹی مسلمان تیا کروک آ بیدادی ءِ نن گوجالنگ کپنہ۔ صادق سنجرانی چھٹی ٹی نوشتہ کرے کہ بھارتی مقبوضہ کشمیر اٹی بھارتی فوج 70 سال آن ریاستی دہشت گردی، ظلم و بیدادی نا نشانہ مروک آ کشمیری تیا مروک آ انسانی حق آتا خلاف ورزی ءِ جہانی برادری نا مون آ پیش کے۔ ہزار آ کودک کشمیری مسلمان ہرافتے ٹی بزرگ ، زالبول و چناک اوار ءُ اوفتا خون ءِ کننگانے۔ بے شمار خلقت ءِ پیلٹ گن اٹ معذور کننگانے۔ صادق سنجرانی پارے کہ بھارت کشمیری تے حق خودارادیت تفننگ ءِ ہرانا حقءِ اوفتے اقوام متحدہ نا سلامتی کونسل نا قرارداد آک تسنو۔ داہیت بے کچ است جم ءِ کہ غٹ اسلامی ملک و او آئی سی مدام بھارتی مقبوضہ کشمیر اٹی انسانی حق انا خلاف ورزی تیا تینا گڑتی تا درشانیءِ کرینو۔ صادق سنجرانی موقف نوشتہ کرے کہ او آئی سی نا باسک ملک آک ہندا سلہ ءِ منسوخ کننگ کن تینا کڑد ءِ ادا کیرہ۔
