اسلام آباد۔3جولائی (اے پی پی): مزن وزیر محمد شہباز شریف ءَ پولیو ءِ ھلاسی ءِ واستہ کوشست آناں گیش مھکم کنگ ءِ ضلورت ءِ سر ءَ زور پر دیان ءَ گوشت کہ ما ملک ءَ چہ پولیو ءِ سرجمی ءَ ھلاسی ءِ واستہ جزم آں، پولیو ءِ کارندہ آنی جان سلامتی مئے اولی ترجی اِنت، پولیو ءِ ھلاسی ءِ واستہ صوبائی حکومت ءَ ھوار درستیں سیادی داروکیں گل آناں پولیو ءِ ھلاسی ءِ واستہ گیش کار کنگ لوٹ ایت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ اینٹی پولیو ٹاسک فورس ءِ دیوان برجم دارگ بوت۔ دیوان ءَ پولیو ءِ نگرانی بورڈ ءِ باسکاں پولیو ءِ نگرانی بورڈ ءِ صدر ءُ گیٹس فاؤنڈیشن ءِ گلوبل ڈویلپمنٹ ءِ صدر ڈاکٹر کرسٹوفر الیاس ءِ سروکی ءَ بہر زرتگ۔ گند ءُ نند ءَ مزن وزیر ءَ گوشت کہ ھمک مشکل ءُ چیلنج آنی باوجود حکومت وتی میاں اوستمانی، صوبائی ءُ بنجاہی ٹیم آنی کمک ءَ پاکستان ءَ پولیو ءِ ھلاسی ءِ ٹارگٹ ءَ را زوت سرجم کنت۔ ما پاکستان ءِ ھمک زھگ ءَ را پولیو ءِ وڑیں نادراھی ءَ چہ رکھگ ءُ پاکستان ءَ را پولیو ءَ چہ پاک کنگ ءِ واستہ جزمیگ ایں ۔ مزن وزیر ءَ گوشت کہ مارا سرجمیں لگن ءُ سنجیدگی ءَ گوں دل یکیمی کنگ لوٹ ایت کہ سرجمیں ملک ءَ ھمک زھگ ءَ را ویکسین ءِ یک ءَ چہ گیش دوز رس ایت ءُ پولیو ءَ چہ رکھینگ بہ بیت۔ فرنٹ لائن کارکن آنی لگن، پاکستان ءِ حکومت ءِ عزم ءُ شریک آنی کمک ءَ چہ پاکستان ءَ پولیو ءِ ھلاپ ءَ مزنیں دیمروئی کتگ۔ مزن وزیر ءَ گوشت کہ پولیو ءِ ھلاسی ءِ واستہ صوبائی، گلگت بلتستان ءُ آزاد کشمیر حکومت ءُ کانود نافذ کنوکیں ادارگ آنی کوشست ءُ کمک ستا کرز انت۔ پولیو ءِ کارندہ آنی جان سلامتی مئے اولی ترجی اِنت۔ پولیو ءِ ھلاسی ءِ واستہ صوبائی حکومت ءَ ھوار درستیں سیادی داروکیں گل یکجائی ءَ کار بہ کن اَنت ءُ ترندیں رنگ ءَ کار بہ کن اَنت۔ مزن وزیر ءَ گوشت کہ ما وتی توامیں شریک آنی شگر ءُ منت وار ایں کہ پولیو ءِ ھلاسی ءَ حکومت ءِ سرجمی ءَ کمک کنگ ءَ اَنت۔ من سعودی ولی عہد ءُ مزن وزیر محمد بن سلمان ءِ ھم منت وار آں کہ آ پولیو ءِ ھلاسی ءَ پاکستان ءِ ھمک رنگ ءَ کمک کنگ ءَ اِنت۔ بل گیٹس فاؤنڈیشن ءَ ھوار درستیں شریکاں پاکستان ءَ پولیو ءِ ھلاپ ءَ مہم ءِ تہ ءَ سک باز ھاسیں ءُ ستا کرزیں کرد پیلو کتگ۔ دیوان ءَ پولیو ءِ ھلاپ ءَ مہم ءِ ھوالگ ءَ سرپد کنگ بوت۔ دیوان ءَ گوشگ بوت کہ جنوبی خیبر پختونخوا ءِ دمگ آنی تہ ءَ پولیو وائرس ءِ سرجمی ءَ ھلاسی ءِ واستہ ھمک ضلع ءَ پولیو ءِ ھلاپ ءَ ھاسیں مہم جوڑ کنگ بوھگ ءَ انت۔ پاکستان ءَ پولیو ءِ ھلاپ ءَ مہم نہ ایوک ءَ زھگانی تہ ءَ پولیو ءِ کیس ھلاس کنگ ءِ کوشست ءَ کنگ ءَ اِنت بلکیں ایشی ءِ چاگردی ھست بوھگ ءِ کوشست ءَ ھم کنگ ءَ اِنت۔ پولیو ءِ نگرانی ءِ بورڈ ءِ باسک آنی تہ ءَ جھان ءِ جان سلامتی ءِ ریجنل ڈائریکٹر میاں اوستمانی جان سلامتی ءِ ڈاکٹر حنان بلخی، یونیسیف کے ریجنل ڈائریکٹر سنجے وجے سکیرا، کے ایس ریلیف سعودی عرب ءِ ڈاکٹر زیاد م میمیش ،روٹری انٹرنیشنل ءِ مائیک میکگورن اور ٹرسٹی روٹری کے عزیز میمن ھوار اَنت۔ گند ءُ نند ءَ راجی جان سلامتی ءِ وفاقی وزیر سید مصطفی کمال، راجی جان سلامتی ءِ وزیر ءِ مملکت ڈاکٹر مختار احمد بھرتھ، پولیو ءِ ھلاسی ءِ ھوالگ ءَ مزن وزیر ءِ فوکل پرسن عائشہ رضا فاروق، چاریں صوبہ آنی چیف سیکرٹری، گلگت بلتستان، آزات کیپٹل کشمیر اسلام کیپٹل ٹیریٹری کے چیف کمشنر ، ہلاس کنگ ءُ پولیو ءِ گر ءُ دار ءِ نیشنل کوآرڈینیٹر ءُ دگہ ہمگرنچیں سرکاری مزنیں کارندہ ھوار بوتگ انت۔
