اسلام آباد۔3جولائی (اے پی پی): مزن وزیر محمد شہباز شریف اقتصادی کمکی گل ءِ سروک دیوان ءَ بہر زورگ ءِ واستہ دو روچی تر ءُ تاب ءِ واستہ آذربائیجان ءَ شتگ۔ پنچ شمبے ءِ روچ ءَ مزن وزیر ءِ میڈیا کارگس ءِ نیمگ ءَ جاڑی بوتگیں بیان ءِ رد ءَ مزن وزیر شہباز شریف خان کینڈی ءَ اقتصادی کمکی گل ءِ سروک دیوان ءَ بھر زوری کنت ءُ گشتانک دنت۔ مزن وزیر وتی گشتانک ءِ تہ ءَ دمگی ءُ جھان ءِ چیلنج ءُ جیڈھ آنی سر ءَ پاکستان ءِ چمشانک پیش کنت ءُ ایکو ویژن 2025 ءِ سر ءَ پاکستان ءِ عزم ءِ سر ءَ پدا زور دنت۔مزن وزیر دمگی تجارت ءِ دیمروئی، دمگی سیادی آناں مھکم کنگ، توانائی ءِ شوبگ ءَ کمک ءُ دمگی پائیدار دیمروئی ءِ سر ءَ زور پر دنت۔ مزن وزیر سروک دیوان ءَ بہر زوروکیں دگنیا ءِ سروک آنی گوما ھم گند ءُ نند کنت۔ مزن وزیر ءِ ھمراھی ءَ ڈل ءِ تہ ءَ نائب مزن وزیر ءُ درئی کارانی وزیر محمد اسحاق دار، وفاقی وزیر ءِ ھال ءُ اھوال عطا اللہ تارڑ ءُ ھاسیں کمکار طارق فاطمی ھم ھوار اَنت۔
