اسلام آباد۔ 20جنوری (اے پی پی) پاکستان اکنامک واچ نا صدر ڈاکٹر مرتضیٰ مغل پارینے کہ پاکستان درملکی زرکار آتے کن زرکاری نا اہم ئُ جاگہ اسے۔ ریڈیو پاکستان تون ہیت وگپ کرسا اوپارے کہ پاکستان جغرافیائی محل و وقوع نا سوب آن ڈیہہ ٹی اہمیت نا حامل ملک اسے و پاک چین اقتصادی راہداری ڈٹ انا سوب درملکی تا بھلو کچ اس داڑے زرکاری کننگ ئِ ولے پاکستان اٹی گڑاس عنصر شونداری نا کسر اٹی اڑاند شاغنگ کن غیر آئینی دھرنہ و برانز نا چرجوئی ئِ برجاہ تخانو۔ اوپارے کہ غٹ سیاسی جماعت آتے بایدے مرے کہ او شونداری نا داسفر اٹی پاکستان مسلم لیگ (ن) نا حکومت تون تفر و ملکی معیشت ئِ گچین جوڑ کیر۔ ڈاکٹر مرتضیٰ پارے کہ 2013ءٹی ملک اٹی بدامنی و توانائی تنکی ٹی اختہ ئس و ساڑی حکومت نا گچین پالیسی تا سوب معیشت ، امن و ایمنی ٹی گچینی و لوڈشیڈنگ اٹی کمتی بسنے۔
