اسلام آباد۔ 20جنوری (اے پی پی) ایوان بالا ئِ پاننگانے کہ سری لنکا ٹی پاکستانی ہائی کمیشن اٹی 30بندغ نا عملہ کاریم کننگ ئِ۔ جمعہ آ ایوان بالا نا دیوان اٹی وقفہ سوج آتا وخت سینیٹر طلحہ محمود نا سوج انا ورندی ٹی بنجائی وزیر سیفران لیفٹیننٹ جنرل (ر) عبدالقادر بلوچ پارے کہ سری لنکا ٹی پاکستانی سفارت خانہ مشن اٹی میجر جنرل (ر) سید شکیل حسین ہائی کمشنر ئِ ، اوڑتون اوار 30بندغ نا عملہ سری لنکا ٹی کاریم کننگ ئُ۔ مشن نا ہچ ئُ کارندہ سے نا برخلاف ہچ ئُ غاواس رسینگ تنے۔ منسٹر ڈی ایچ ایم سرفراز خان سپرانے مشن اٹی تینا وخت ئِ پورو کرینے و اونا بدلی ئِ ہیڈ کوارٹراٹی کننگ انگ ئِ۔ اوپارے کہ سفارتخانہ مشن نا بندغ آتے ہرازمواری تننگک اونابابت اوفتا کارکڑد نا ہم جاچ ئِ ہلنگک۔
