اسلام آباد ۔ 3 فروری (اے پی پی) گورنر سندھ عمران اسماعیلءَ گوشت کہ مزن وزیر عمران خان زوت سندھ ءِ لہتیں ضلعہانی دیمروئی ءِ ھاترا ھاسیں پیکج ءِ جار جن انت۔یک جندی ٹی وی چینل ءِ گوما گپ ءُُ تران کنان ءَ آہاں گوشت کہ صوبگ ءِ ھاترا دیمروئی فنڈز ءَ را دارگ ءِ باروا بہتام بے بُن انت۔گورنر سندھءِ گوشگ انت کہ کراچی وڈیں مستریں شہر ءَ را ایشی ءِ حق دیگ بیت ءُُ آہاں کراچی ءِ دیمروئی منصوبگان سرجم کنگ ءِ سدکی داتگ۔آہاں گوشت کہ آپ اے شہر ءِ مستریں جیڈھ انت،بنجاہی حکومت زوت آپ ءِ ساپ کنگ ءِ ھاتر اواٹر ٹریٹمنٹ پلانٹس جنئگ ءُُ اے درگت ءَ گیش کار کنگ ءِ منصوبگ بندی کتگ ات۔یک جستے پسو ءَ آہاں گوشت کہ حزب اختلاف ءَ آڈٹ ءِ کار ءَ دوست مہ کتگ۔
