اسلام آباد ۔ 3 فروری (اے پی پی)مزن وزیر عمران خان یک روچیں تروتاب ءِ ھاترا یک شمبے ءَ لاہور ءَ سر بوتگ ات،اُودا آں صوبائی راھشون ءَ گوں گند ءُُ نند کن انت،وتی تروتاب ءِ ساعت ءَ پنجاب ءِ گورنر چوہدری محمد سرور ءُُ سر وزیر عثمان بزدار ھم مزن وزیر ءَ گوں گند ءُُ نند کن انت۔مزن وزیر یک مزن تکے دیوان ءِ سروکی ھم کن انت۔دیوان ءِ تہ صوبگ ءِ سیاسی جاورھال ءُُ صوبگ ءِ تہ جاڑی دیمروئی منصوبگانی ھوار لہتیں کارانی سرا چار ءُُ تپاس کن انت۔
