اسلام آباد ۔03 فروری(اے پی پی)مزن وزیر ءِ ھاسیں کمکار برائے یوتھ افیئرز عثمان ڈار ءَ گوشت کہ اَستیں حکومت ءَ ملک ءِ تہ ورناہاں را وت واک جوڈ کنگ ءِ ھاترا نوکیں پالیسی ءِ سرا کار بناء کتگ انت۔یک شمبے ءَ ’’اے پی پی‘‘ ءِ گوما گپ ءُُ تران کنان ءَ آہاں گوشت کہ ورناہاں را وت واک جوڈ کنگ ءِ ھوالہ چہ صوبگ ءَ گوں کمک ءَ گوں جہد کنگ بنت،صوبگانی کمک ءَ گوں یوتھ ڈویلپمنٹ پروگرام ءِ ردا حکومتی گامگیجانی آسر ءَ گیشاں گیش ورناء نپ ءُُ پائدگ ءَ چست کت کن انت۔آہاں گوشت کہ ورناہاں را معاشی وڈ ءَ وت واک جوڈ کنگ ءِ ھاترا نیشنل امپاورمنٹ کارڈ ءِ اجراء کنگ بیت ءُُ چاگرد ءِ پد منتگیں تبک ھاسکر ڈس ایبل مردمءُُ دیر نشتگیں مردم اے مراگش ءَ چہ پائدگ چست کت کن انت۔
