اسلام آباد۔ 21جنوری (اے پی پی) حکومت صوبہ پنجاب اٹی پنچ ڈیم جوڑ کننگ نا ڈٹ بندی اس کرینے، دا ڈیم تے ٹی اکھوڑی ڈیم، چینوٹ ڈیم، پاپن ڈیم ، مرنگ ڈیم و گھبیر ڈیم اوار ءُ۔ وزارت آبی ذرائع نا رداٹ دا پنچ ڈیم تیان اکھوڑی ڈیم، دریائے ہروپراٹک اٹی جوڑ کننگک۔ دا ڈیم اٹی دیر کوڑی کننگ نا گنجائش 6ملین ایکڑ فٹ مریک وخت اس کہ چینوٹ ڈیم دریائے چناب و چناب نگر نا نیام اٹ جوڑ کننگ، دا ڈیم اٹی دیر کوڑی کننگ نا گنجائش 0.85ملین ایکڑ فٹ مریک۔ ہندا وڑ مرنگ ڈیم راجن پور آن 116کلومیٹر نا فاصلہ غا کھانہ نالہ غا جوڑ کننگک۔ دا ڈیم اٹی دیر کوڑی کننگ نا گنجائش 0.600 ملین ایکڑ فٹ مریک۔ داڑے گھبیر ڈیم تلہ گنگ اٹی جوڑ کننگ و داڈیم اٹی دیر کوڑی کننگ نا گنجائش 0.066ملین ایکڑ فٹ مریک۔
