پاکستان جی 24  ءِ آیوکیں چیئرمین ءِ بستار ءَ گل ءِ اجتماعی اثر ءُ رسوخ ءَ را مھکم کنگ ءِ ھاترا جزم اِنت، وزیر ھزانگ محمد اورنگزیب بنکاک ءَ دیوان ءَ گوں تران

اسلام آباد۔13اکتوبر  (اے پی پی): وفاقی وزیر خزانہ   محمد اورنگزیب ءَ جی 24  ءِ آیوکیں چیئرمین ءِ بستار ءَ گروپ ءِ اجتماعی اثر ءُ رسوخ ءَ را مھکم کنگ ءُ دیمروئی کنوکیں معیشت آنی مفاد آنی دیمروئی ءِ تہ ءَ جوانیں کرد پیلو کنگ ءِ واستہ پاکستان ءِ جزم ءِ درشانی کتگ۔ آئی ءَ اے گپ سئے شمبے ءِ روچ ءَ بنکاک ءَ ورلڈ بینک گروپ ءُ انٹرنیشنل مانیٹری فنڈ ءِ 2026 ءِ سالانہ دیوان آنی ساھت ءَ بنکاک ءَ جی ٹوئنٹی ءِ اولی نائب چیئرمین ءِ بستار ءَ ورلڈ بینک گروپ ءُ انٹرنیشنل مانیٹری فنڈ ءِ وزیر ءُ مرکزی بینک ءِ گورنر آنی دیوان ءَ گوں تران کنان ءَ کت۔ وزیر خزانہ ءَ وتی گشتانک ءِ تہ ءَ دیمروئی کنوکیں معیشت آنی دیم ءَ اوشتاتگیں چیلنج ءُ جیڈھ آنی سر ءَ چمشانک دات، ایشی ءِ تہ ءَ جھان ءِ نابرابری آنی سبب ءَ تجارتی ءُ سرمایہ کاری ءِ رکاوٹ، دیمروئی کنوکیں معیشت آنی سر ءَ موسمی بدلی ءِ منفی اثرات، کریڈٹ ءِ تنگیں جاور ءُ مالیاتی وسیلگ آنی گیش بوھوکیں کمی ھوار اَنت۔ وزیر خزانہ ءَ پاکستان ءِ اے گروپ ءِ اجتماعی اثر ءُ رسوخ ءَ را مھکم کنگ ءُ دیمروئی کنوکیں معیشت آنی مفاد آناں دیمروئی دیگ ءِ تہ ءَ موثر کرد پیلو کنگ ءِ واستہ پاکستان ءِ جزم ءِ سر ءَ زور پر دات، ایشی ءِ تہ ءَ آیوکیں جی ٹوئنٹی چیئرمین شپ ءِ وسیلگ ءَ ھم ھوار اِنت۔ وزیر خزانہ ءَ اے گپ ءِ سر ءَ زور پر دات کہ اے چیلنج آنی رد ءَ میاں اوستمانی مالیاتی نظام ءِ تہ ءَ اصلاحات آناں دیم ءَ برگ وھد ءِ ضلورت اِنت۔ وزیر خزانہ ءَ مشکلیں اصلاحات ءِ سر ءَ عمل کنگ ءُ ھما ملک آناں وھد ءِ سر ءَ کمک پجارینگ ءِ ضلورت ءِ سر ءَ ھم زور پر دات کہ آ وتی کنٹرول ءَ چہ دریں درائیں جاور ھال آنی منفی اثر آناں گوں دوچار اَنت۔ آئی ءَ میاں اوستمانی مالیاتی نظام ئِ تہ ءَ دیمروئی ئِ ضلورت ئِ سر ءَ زور پر دات۔ آئی ءَ مرکزی مول ءُ مراد ءِ بحالی ، بریٹن ووڈز ءِ ادارگ آناں باسکیں ملک آنی لوٹ آنی رد ءَ گیش نمائندگی ءُ گیش رد ءُ بند دیگ ءُ یک پائیداریں میاں اوستمانی مالیاتی نظام ءِ جوڑ کنگ ءَ را جی ٹوئنٹی ءِ اسٹریٹجک اولویت آنی رنگ ءَ دیمروئی ءِ سر ءَ دلگوشی دیگ ءِ سر ءَ زور پر دات ءُ یکجائی کارروائی ءُ کوشست آنی ضلورت ءِ سر ءَ زور پر دات۔ نییرے ءِ سروکی ءِ ستا ءَ کنان ءَ وزیر خزانہ ءَ باسکیں ملک ءُ سیادی داروکیں ادارگ آنی نیام ءَ گیش ھواریں، مھکم ءُ دیمروئی ءِ رد ءَ جھان ءِ اقتصادی نظام ءِ جوڑ کنگ ءِ واستہ کمک ءِ ارزشت ءِ سر ءَ ھم زور پر دات۔