صدر ءِ مملکت ءَ رحمان بابا ایکسپریس ءِ ریل ءَ چہ ایر کپگ ءِ سرا دلپدردی ءِ درشانی کتگ، بیران بوتگیں مسافر آنی کھول ءِ گوما دلپدردی ءِ درشانی

اسلام آباد۔13اکتوبر  (اے پی پی): صدر ءِ مملکت آصف علی زرداری ءَ ملتان ءِ نزیک ءَ رحمان بابا ایکسپریس ءِ ریل ءَ چہ درآہگ ءِ سر ءَ دلپدردی ءِ درشان کنان ءَ وئیل ءَ بیران بوتگیں مسافر آنی کھول ءِ گوما دلپدردی ءِ درشانی کت ءُ ٹپیگیں مسافر آناں زوت جان سلامتی ءِ واھشت مند کت۔ سئے شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ سیادی داروکیں واکدار آناں پنت ءُ شون کتگ کہ آ آماچیں مسافر آناں ھرچ وڑیں کمک ءُ آسراتی بہ دنت ءُ گوشت کہ وئیل ءِ سبب آنی پجارینگ ءِ واستہ شفافیں پٹ ءُ پول کنگ بہ بیت۔