موسمیاتی بدلی ءَ گوں سیادی داروکیں ھترہ آناں  منصوبہ آنی بہر جوڑ کنگ ءِ جہد کنگ بوھگ ءَ انت، مزن وزیر شہباز شریف

اسلام آباد۔13اکتوبر  (اے پی پی): مزن وزیر محمد شہباز شریف ءَ گوشت کہ موسمی بدلی ءَ گوں ھوالگ ءَ ھترہ آناں گیشی ءِ رد ءَ اے ھترہ آناں کم کنگ ءَ را مئے موسمیاتی بدلی ءُ دیمروئی منصوبگ آنی تہ ءَ ھوار کنگ ءِ کوشست کنگ بوھگ ءَ اِنت۔ سئے شمبے ءِ روچ ءَ مزن وزیر ءَ سوشل نیٹ ورکنگ ءِ ویب سائٹ ”ایکس“ ءِ سر ءَ گوشت کہ باندا ءِ رکھینگ ءِ واستہ مرچی ءِ احتیاطی تدابیر المی اِنت۔ آفت ءِ ھترہ ءِ کمی ءِ میاں اوستمانی روچ ءِ موہ ءَ ما سرجمیں پاکستان ءَ گیش ایمن ءُ گیش لچکداریں کمیونٹیز ءِ جوڑ کنگ ءِ وتی جزم ءِ یک رندے پدر کن ایں ۔ آئی ءَ گوشت کہ قدرتی آفت یکیں روچ ءَ سالانی سال ءِ دیمروئی ءَ را تباہ کت کن اَنت۔ موسمیاتی بدلی ءِ ھوالگ ءَ گیش بوھوکیں ھترہانی رد ءَ ما ھترہ ءِ کمی ءَ وتی موسمیاتی ءُ دیمروئی منصوبگ آنی بھر جوڑ کنگ ءِ ھاترا کار کنگ ءَ ایں ءُ ھما مردمانی رکھینگ ءِ ھاترا شریکداری ءَ را مھکم کنگ ءَ ایں کہ آ گیشتر ھترہ ءِ آماچ اَنت۔