آبادی ءِ بدلی ءَ را انسانی وسائل ءِ شرتریں دیمروئی ءُ گیشتریں روزگار ءِ موہ ءِ تہا بدل کنگ ءِ وھد ءِ لوٹ انت، سینیٹر محمد اورنگزیب

بنکاک۔13اکتوبر (اے پی پی): وفاقی وزیر خزانہ ءُ آمدنی سینیٹر محمد اورنگزیب ءَ گوشت کہ آبادی ءِ وشھالی ءِ ھوالگ ءَ وفاقی ءُ صوبائی تک ءَ یکجاھیں گامگیج آنی تہ ءَ برجاھیں جزم ءُ ٹھوس آسر آنی گوما سک باز ارزشتی اِنت۔ آبادی ءِ بدلی ءَ را انسانی وسیلگ ءِ شریں دیمروئی ءُ گیشیں روزگار ءِ موہ ءِ تہا بدل کنگ وھد ءِ لوٹ اِنت۔ آئی ءَ اے گپ سئے شمبے ءِ روچ ءَ بنکاک ءَ آئی ایم ایف ءُ ورلڈ بینک ءِ سالانہ دیوان ءِ ساھت ءَ ورلڈ بینک ءِ نیمگ ءَ برجم داشتگیں ’’ڈیموگرافک بدلی ءَ را انسانی وسیلگ آنی دیمروئی ءُ گیش روزگار ءِ موہ آنی تہ ءَ بدل کنگ‘‘ ءِ سر ءَ گول میز دیوان ءَ گوں تران کنان ءَ کت۔ وزیر خزانہ ءَ پاکستان ءَ ترندیں آبادی ءِ گیشی ءُ جان سلامتی، وانگ ءُ زانگ ءُ روزگار ءِ سر ءَ ایشی ءِ اثر آنی گیواری ءِ ترندیں ضلورت ءِ سر ءَ زور پر دات۔ انڈونیشیا، بنگلہ دیش ءُ ایران ءِ تجربگ آنی حوالہ ءَ آئی ءَ گوشت کہ زالبول آنی وانگ ءُ زانگ ءِ بابت ءَ سرپدی دیگ ءِ واستہ مذہبی رہشون آنی گوما آؤٹ ریچ کنگ، آوانی کار ءِ تہ ءَ ھوار کنگ ءُ زھگ آنی تہ ءَ جوانیں جاہ ءِ ایر کنگ یک کلیدی اولویت اِنت، آئی ءَ گوشت کہ پاکستان ءَ اے درگت ءَ گامگیج زورگ بوھگ ءَ اِنت۔ مزن وزیر ءِ سروکی ءَ راجی آبادی کونسل ءِ کرد ءِ حوالہ ءَ آئی ءَ وفاقی ءُ صوبائی تک ءَ ہمگرنچیں کارروائی، برجائی سیاسی جزم ءُ پیمائش ءِ لائکیں آسر آنی ارزشت ءِ سر ءَ زور پر دات تانکہ جتا جتائیں ادارگ آنی نیمگ ءَ چہ کتگیں جتا جتائیں کارروائی آناں یک جامع حکمت عملی ءِ تہ ءَ یکجا کنگ بہ بیت ءُ انسانی وسیلگ ءَ را گیش دیمروئی ءِ تہ ءَ بدل کنگ بہ بیت۔ موھاں. وزیر ءِ ھزانگ ءَ گوشت کہ پاکستان ھما وھد ءَ آبادی ءِ تہ ءَ گیشی ءِ بوت کنوکیں اقتصادی آسراتی ءَ چہ سرجمی ءَ سیت چست کنت ھما وھد ءَ کہ اقتصادی دیمروئی ءَ را کہ روزگار پیداک کنت، ھنرمندیں کارکن آنی دیمروئی ءُ جندی شوبگ ءِ مھکمی ءِ وسیلگ ءَ دیم ءَ برگ بہ بیت۔ آئی ءَ فری لانسنگ، آئی ٹی ءِ ھوالگ ءَ سروسز ءُ دیمروئی ءِ مہارت آناں ورنا آنی درآمد ءُ برآمدات ءِ تہ ءَ گیشی ءِ ھاترا ھاسیں موہ لیک ات ءُ آبادی، جان سلامتی، وانگ ءُ زانگ ءُ روزگار ءِ پڑ ءَ یک یکجاھیں رھبند ءِ زورگ ءِ ضلورت ءِ سر ءَ زور پر دات۔