کراچی۔20جنوری (اے پی پی ) صدر عارف علوی ءَ گشتگ کہ دنیاءَ ٹکنالوجی ءِ یک آشوبے آتکگءُ اے آشوبءَ چہ پائدگ چست کنگءَ ورناآں بازیں پڑاں تربیت دیئگ بوہگءَ ایں، ورناہ وتءَ را مدام ساڑی بہ کن اَنت ۔ اے حیالانی درشانی آئیءَ یک شمبے ءِ روچءَ جدید مشینی ٹیکنالوجی ءُ کمپیو ٹر ءِ کارمرزی ءِ ہوالگءَ صدارتی پروگرام ءِ داخلہ ٹیسٹ ءَ ہوار نودربراں گوں تران کنانءَ کتگ۔ صدرءَ گشتگ کہ مصنوعی ذہانت ءُ کمپیوٹرائزنگ ڈیٹا ءِ صعنت اے وہدءَ لھتیں بیلن ڈالر اِنت بلے اے 2022ءَ چہ 2025ءَ اے 3ٹریلین بیت وہدے کہ 2030ءَ پیسرءَ اے 30ءَ چہ 40ٹریلین ڈالر ءَ سربیت۔ ڈاکٹر عارف علوی ءَ گشتگ کہ منءَ بھروسہ ایں کہ مے راجءَ ٹیکنالوجی ءِ ارزشتءَ زانت ۔ صدرءَ گشتگ کہ داخلہ ٹیسٹ ءَ مزنیں کساسے ءَ ورناہ ہوار بوہگ اے گپءِ عکس کشی ءَ کنت کہ ورناہ دیما رؤگ لوٹاں آئیءَ گشتگ کہ دگہ صوبہ آں ہم داخلہ ٹیسٹ دارگ بنت۔
