کوئٹہ۔ 18 جنوری (اے پی پی) ڈپٹی اسپیکر بلوچستان اسمبلی سردار بابر موسیٰ خیل پارینے کہ زالبول اٹی شعور و آگاہی تالان کرسا اوفتا ویل آتے ایسر کننگ نا گرج ءِ، پی ٹی آئی چیئرمین عمران خان نا سرکڑدہ ہی ٹی زالبول و ورناتے مون آ اتنگ کن عملی گام گیج چست کینہ۔ داہیت ءِ او جمعہ نا دے آ کوئٹہ پریس کلب اٹی وومن میڈیا سینٹر نا کنڈآن صحافی تے کن اڈ تروک آ تربیتی ورکشاپ نا بشخ ہلوک آتیان تران کرسا پارے۔ ورکشاپ اٹی شعبہ جرنلزم اٹی زیر تعلیم طالب علم آک ہم بشخ ہلکر۔ سردار بابر موسیٰ خیل پارے کہ زالبول اٹی شعور آگاہی تالان کرسا اوفتا ویل آتے ایسر کننگ نا گرج ءِ ، پی ٹی آئی چیئرمین عمران خان نا سرکڑدہ ہی ٹی زالبول وورناتے مون آ اتنگ کن عملی گام گیج چست کینہ۔ بلوچستان اٹی 35ہزار آسامی تیا خلوک آ پابندی ءِ ہرفینن و بھاز زوت میرٹ نا رداٹ بھرتی کننگک۔ اوپارے کہ مون نا دوراٹی حکمرانک فنڈ آتے جوان وڑاٹ کاریم اٹ اتوس ہرانا سوب آن محرومی تے ٹی ودکی مس، بلوچستان نا سیاسی محرومی تا زموار سیاست دانک ءُ۔ اوپارے کہ بلوچستان اٹی قبائلی نظام نا باوجود زالبول تعلیم و گوازی تا پڑ اٹی تینا لائخی تے نشان تننگ ءُ۔ اوپارے کہ مسکوہی دور اٹی حکمرانک صوبہ کن کانود سازی کتوس ہرانا سوب بلوچستان نا سیاسی محرومی تے ٹی ودکی مس ۔ عمران خان نا سرکڑدہ ہی ٹی بنجائی و صوبائی حکومت گیشتر کانود سازی نا عمل ءِ پورو کرسا پوسکن آ پاکستان نا بنداو ءِ تخار۔ زالبول و ورنا تا وونٹ انا سوب ساڑی آ حکومت اہم گام گیج کرے ہرافتا بھرمک بھاز زوت الس اسکان سرمریرہ داوخت آ وومن میڈیا سنٹر نا سروک فوزیہ شاہین بشخ ہلوک آتے احوال ترسا پارے کہ مچ آ ملک اٹی 30 ہزار زالبول صحافی تے تربیت تسن ہرافتیان 2ہزار 4سد زالبول روزگار کننگ ءُ ، اوپارے کہ نرینہ غاتیانبار زالبول آک ہم سیاست تون اوار ایلو اہم معاملہ غاتے ٹی گچین رپورٹنگ کننگ کیرہ، راجی و قبائلی ویل آتا باوجود پاکستانی زالبول آک صحافت نا پڑاٹ گچین کڑد ادا کریر۔
