اسلام آباد۔ 18جنوری (اے پی پی) پاکستان بزنس مین اینڈ انٹیلیکچوئل فورم (پی بی آئی ایف) نا صدر میاں زاہد حسین پارینے کہ قومی برآمد آتیٹی ودکی کن بھلو وخت اسے نا جامع حکمت عملی اس مرتب کننگے۔ تینا اسہ بیان اسے ٹی اوپارے کہ حکومت نا کنڈآن 180ارب روپئی نا برآمدی پیکج آن ملکی برآمد آتا گچینی ٹی کمک رسینگک۔ اوپارے کہ حکومت نا پڑو کروک پیکج خو ش آئند ئِ و پنچ بھلا برآمدی صنعت آتا برآمد آتیٹی ودکی کن حکومت بروخت فیصلہ کرینے۔ میاں زاہدحسین پارے کہ حکومت ئِ بایدے مرے کہ چین، بنگلہ دیش و ویتنام نا طرز آ برآمد آتے ودفنگ کن مریس ئُ وخت اسے نا پالیسی اس مرتب کے ہراڑآن برآمدآتا پدریسہ و پائیدار ودکی ٹی کمک رسینگک ۔ اوپارے کہ حکومت نا ساڑی پیکج آن ملکی برآمد آتیٹی 2.5آن مسہ درسدآن زیات ودکی گمانی ئِ۔ اوپارے کہ حکومت صنعتی شونداری آ خصوصی توجوہ تننگ ئِ و داکان مست ہم حکومت توانائی نا نرخ و کیہی خراج آتیٹی کمتی نا بابت جامع گام گیج کرینے۔
