اسلام آباد۔ 06جنوری (اے پی پی) وزیر اطلاعات فوادحسین چوہدری تینا ٹویٹ کلہو اٹی پارینے کہ اینو (یک شنبے نادے آ) ورناطالب علم شہید اعتزاز احسن نا برستی ءِ ہرا ہنگو نا اسکول اٹی خودکش جلہو ءِ بے سہب جوڑ کرسا تینا جان ءِ ندر کرسا 100 طالب علم آتا زند ءِ بچفیسس۔ اوپارے کہ پی ٹی وی یک شنبے و دوشنبے نا نیامی نن شہید اعتزاز ءِ خراج عقیدت پیش کننگ کن داکومنٹری اس شینک کیک۔ ٹویٹ نا آخیر اٹی وزیراطلاعات غٹ شہید آتے سلام پیش کرے۔
