اسلام آباد۔ 06 جنوری (اے پی پی) بنجائی وزیر اطلاعات و نشریات چوہدری فواد حسین پارینے کہ ڈیسکون کمپنی ءِ مہمند ڈیم انا جوڑ کننگ نا ٹھیکہ ءِ تننگ نا برخلاف حزب اختلاف نا تنقید آن ملک ءِ نسخان رسینگ انگ ءِ۔ اسہ نجی ٹی وی چینل اسے تون ہیت وگپ کرسا بنجائی وزیر مہمند ڈیم انا ٹھیکہ رزاق داؤد ءِ تننگ نا غلط احوال آتا تردید ءِ کرسا پارے کہ رزاق داؤد نا ڈیسکون کنسورشیم تون ہچ ءُ تعلق اس اف۔ اوپارے کہ رزاق داؤد وزیراعظم نا سلاہکار واپار نا عہدہ ءِ سنبھالنگ آن مست ڈیسکون آن استیفہ تسوسس۔
