اسلام آباد۔ 06 جنوری (اے پی پی) وزیر مملکت داخلہ شہریار آفریدی پارینے کہ تعلیمی ادارہ غاتے کن جتا کروک ڈغار تے ناروا کوزہ گر آتیان پدی ہلنگ کن دقیقہ فروگزاشت کننگپک و کس اسے ہم کانود ءِ دوٹی ہلنگ نا موکل تفننگک۔ قائد اعظم یونیورسٹی ٹی 240 کنال آن 180 کنال ڈغار ناروا کوزہ گر آتیان ہلنگانے۔ تجاوزات آتا چٹفنگ نا عمل سیاست آن ایڑ تر و کانود نا عین رداٹ ءِ۔ داخیال آتا درشانی ءِ او یک شنبے نادے آ قائد اعظم یونیورسٹی ٹی میڈیا تون ہیت وگپ کرسا کرے۔ وزیر مملکت یونیورسٹی نا ڈغار آ ناروا تجاوزات آتا چٹفنگ کن جاری کارروائی آ صحافی تے احوال ترسا پارے کہ حکومت احتساب نا عمل ءِ کانود نا رداٹ المی جوڑ کننگ کن کوشست کننگ ءِ۔ اوپارے کہ تعلیمی ادارہ غاک قوم ءِ تعلیم نا زیورآن روشناس کرفنگ اٹ کلیدی کڑد ادا کیرہ، ہندا ادارہ غاتے ٹی علم و پٹ و پول نا کمک اٹ اقوام تینا حالیت ءِ گچین جوڑ کیک ، بدقسمتی اٹ کیہی سال آن قائد اعظم یونیورسٹی نا کل 200 ایکڑ ڈغار آ ناجائز وڑاٹ کوزہ کننگاسس، داڈغار ءِ تعلیمی مسخت کن جتا کننگاسس۔
