پشاور۔05جنوری (اے پی پی)صوبائی وزیرجان سلامتی ڈاکٹر ہشام انعام اللہ خان ءِ داتگیں پنت ءُُ شون ءِ رد ءَ خیبرپختونخوا ءِ سیکرٹری جان سلامتی ڈاکٹر فاروق جمیل ءَ پشاور بمب تراک ءَ چہ پد توامیں ہسپتال آناں ہائی الرٹ جاڑی کنان ءَ ٹپیگ آناں مپت ءَ جان سلامتی آسراتی پجارینگ ءِ حکم دات، پشاور ءَ محکمہ جان سلامتی ءِ نیمگ ءَ جاڑی بوتگیں جار ءِ رد ءَ سیکرٹری جان سلامتی ڈاکٹر فاروق جمیل ءَ پشاور صدر ءَ بمب تراک ءَ چہ پد لیڈی ریڈنگ ہسپتال ءِ ڈائریکٹر ڈاکٹر خلامسعود ءَ رابطہ کت ءُُ آواناں ٹپیگ آناں آسراتی ءِ پجاری ءِ ھوالگ ءَ جست ءُُ پرس گپت۔ ڈاکٹر خالد مسعود ءَ سیکرٹری جان سلامتی ءَ را سر پد کت کہ کارندہ ھمروچگیں ڈیوٹی ءَ کنگ ءَ بوتگ اَنت کہ اناگہ ءَ تراک ءِ وئیل ءِ ھال اتکگ اے ھوالگ ءَ توامیں کارندہ آناں الرٹ کنگ بوتگ۔ سیکرٹری جان سلامتی ڈاکٹر فاروق جمیل ءَ ہسپتال ڈائریکٹر ءَ را پنت شونگ کت کہ ٹپیگ آناں کجام ھم رنگ ءِ آسراتی آنی تہ ءَ کمی مہ بیت ءُُ آواناں جوانیں رنگ ءَ دوا ءُُ درمان کنگ بہ بیت۔
