پشاور۔05جنوری (اے پی پی)پشاور ءِ دمگ صدر کالی باڑی ءَ بوتگیں تراک ءِ نتیجگ ءَ زالبول ءَ ھوار 6مردم ٹپیگ بوتگ انت۔ تراکی چیز کالی باڑی ءَ استیں یک گلی ءَ اوشتاتگیں گاڑی ءَ پڑ کنگ بوتگ اَنت، تراک ءِ نتیجگ ءَ کش ءُُ کرے استیں دوکان ءُُ ماڑی آناں تاوان رستگ، تراک ءِ سبب ءَ ٹپیگ بوتگیں مردم آناں دوا ءُُ درمان ءِ واستہ لیڈی ریڈنگ ہسپتال ءَ روان دیگ بوتگ۔ تراک ءِ سبب ءَ آماچ بوتگیں مردم آنی تہ ءَ یک زالبول ءِ ھوار اِنت، تراک ءَ چہ آماچی مردم آنی پجار، ابراہیم ولد بدی گل، محمد فاروق ولد دین محمد، رحمت گل ولد بادام، عمیر ولد پرویز، مختیارہ بی بی ولد جمیل ءُُ رابعہ ولد فرانسس ءِ نام ءِ سر ءَ کنگ بوتگ اَنت ، سی سی پی او پشاور قاضی جمیل ءِ رد ءَ تراک ءَ 8 ءَ چہ 10 کلوگرام تراکی چیز پٹ کنگ بوتگ۔ تراک ءَ پد سیکورٹی ادارگ آں ھوار ریسکو ادارگ آنی کارندہ ھم واکیہ ءِ جاہ ءَ پج اِتنت ءُُ پٹ ءُُ پول بندات کتگ۔
