اسلام آباد۔ 05 جنوری (اے پی پی)صدرمملکت ڈاکٹر عارف علوی ءَ گوشت کہ پٹ ءُُ پول ءِ کلچر ءِ توامیں زانشتی ادارگ آنی تہ ءَ دیمروئی دیگ لوٹ ایت۔ اے ھیالانی درشانی آئی ءَ شمبے ءِ روچ ءَ پنجاپ ءِ وزیر جان سلامتی ڈاکٹر یاسمین راشد ءَ گوں تران کنان ءَ کت۔ صدر ءِ مملکت ءَ گوشت کہ ڈی مونٹ مورنسی کالج آف ڈینٹسٹری ءَ ھور اے ادارگ آنی جیڈھ آناں زوت گیوار کنگ بیت تانکہ نودربر آناں جوانیں زانشت ءَ را دل یکیمی کنگ بہ بیت۔ صدر ءِ مملکت ءَ زور پر دات کہ الس آنی گہتریں طبی آسراتی ءِ پجاری حکومت ءِ اولی ترجی اِنت، مئے جان سلامتی شوبگ ٹوھیں ٹوھیں چیلنج آں گوں دیم پہ دیم اَنت۔ ایشاناں درستاں چہ پیسر گیوار کنگی اِنت۔ آئی ءَ گوشت کہ مئے ملک ءِ بازیں دمگ آں کسانیں زھگ وردن ءُُ وراک ءِ نہ بوھگ ءِ سبب ءَ نادُراھ اَنت مئے ملک ءَ نوکیں ودی بوتگیں زھگ بیرانی یے لڑ ءَ دُرستیں ملک آں چہ گیشتر اَنت۔ آئی ءَ گوشت کہ بازیں جیڈھ جان سلامتی ءِ پڑ است آوانی سر ءَ جوانیں ءَ چار ءُُ بچار کنگ بوھگ ءَ اِنت۔ آئی ءَ گوشت کہ بنجاھی ءُُ صوبائی حکومت آناں الس ءَ را ریلیف دیگ ءِ واستہ یکجائی ءَ کار کنگ لوٹ ایت۔
