لاہور۔5 جنوری(اے پی پی ) بنجاھی وزیر اھوالکاری ءُُ شنگکاری چوہدری فواد حسین ءَ گوشت کہ سیاست ءَ زاتی تھلی کم بنت بلے کیاسگری ءِ رچ نہ اوشتیت پیسریگیں زمانگ ءَ راجی ادارگ آناں زاتی سیت ءِ واستہ کارمرد کنگ بوتگ ایشی ءِ سبب ءَ ادارگ کوکلا بوتگ اَنت اوورسیز پاکستانی آنی نیمگ ءَ زر ءِ روان دیگ ءِ تہ ءَ گیشی بوھگ ءَ انت مزن وزیر عمران خان ءِ سروکی ءَ ملک منزل آنی نیگم ءَ جنزگ ءَ اِنت 2019ءَ پاکستان ءِ معاشی منزل ءِ نیمگ ءَ جنزگ ءَ انت۔ آ شمبے ءِ نیگاہ ءَ سی پی این ای ءِ چیر دستی ءَ ءَ نامداریں اھوالکار احمد علی ڈھلوں ءِ نوکیں ند کتگیں کتاب ’’تلخیاں‘‘ ءِ دیمدرائی مراگش ءَ گوں گشتانک دیان ءَ کت بنجاھی وزیر ءَ گوشت کہ مزن وزیر وتی کاگس ءَ روت گڈا زانگ بیت کہ اڑھائی بلین ڈالر وام دیگی اِنت مزن وزیر فائر فائٹنگ ءِ سعودی عرب ءُُ متحدہ عرب ا مارات شتگ ما درستاں چہ پیسر وام ءِ دیگ ءِ گپ ءُُ وڑ ءُُ پیم گیشین تگ آئی ءَ گوشت کہ مئے ڈن ءَ چہ آرگ ءِ تہ ءَ کمی ءُُ ڈن ءَ روان دیگ ءِ کساس ءِ تہ ءَ گیشی اتکگ۔ آئی ءَ گوشت کہ نواز شریف یا آصف زرداری ءِ سر ءَ یک ھم کیس ءِ ما نہ جوڑ نہ کتگ آوانی ھلاپ ءَ تپشیش 2015ءَ بندات بوتگ مئے گوما کسی زاتی جنگ نیست مسلم لیگ (ن) ءِ سروکی ءَ کمپنی جوڑ ءُُ ملک ءِ پیسہ ڈن ءَ روان دیگ بوتگ پیپلز پارٹی ءَ منی لانڈرنگ ءِ وسیلگ ءَ ڈن ءِ ملک ءَ جائیداد جوڑ کتگ۔ یک ءِ دومی ءِ سیت آناں رکھین انت آئی ءَ گوشت کہ وھد ءِ ما ادارگ آناں وتی بزنس پارٹنر جوڑ کنان ءُُ آوانی گوما زاتی کار زوراں گڈا ادارگ کمزور بنت۔ آئی ءَ گوشت کہ احمد ڈھلوں مزنیں کلانہ ایں اھوالکار اِت مرچی انچوکیں کسا س ءَ مردم یکجاہ بوتگ اَنت اے گپ ءِ دلیل اِنت کہ ما درست احمد ڈھلوں ءَ گوں یکوئی دار اَنت۔ بنجاھی وزیر ءَ اے موہ ءِ سر ءَ علی احمد ڈھلوں ءِ کتاب ءِ دیم درائی کت ، مراگش ءَ مسلم لیگ (ن) ءِ ملک احمد خان ، لاہور پریس کلب ءِ صدر ارشد انصاری عارف نظامی ءَ ھوار ایندگر گشتانکاراں گشتانک دات۔
