کوئٹہ۔ 04 جنوری (اے پی پی) چیئرمین بلوچستان بورڈ آف انٹرمیڈیٹ اینڈ سیکنڈری ایجوکیشن کوئٹہ پروفیسر محمد یوسف بلوچ پارینے کہ امتحان تے ٹی نقل کننگ کن ہچ ءُ حالیت اسے ٹی الیپنہ و نئے طالب علم اسے تون بیدادی مریک ، نقل طالب علم آتا آخبت ءِ تہار کرسا ہِننگ ءِ طالب علم آتے بایدے مرے کہ او امتحان تے کن سہی وڑاٹ تیاری کیر نقل نا خیال ءِ تینا است آن کشر نقل کروک آتے بورڈ انا UFM کانود نا رداٹ سزا تننگک۔ داہیت ءِ او تینا جاری کروک بیان اسے ٹی کرے۔ چیئرمین بلوچستان بورڈ آف انٹرمیڈیٹ اینڈ سیکنڈری ایجوکیشن کوئٹہ پروفیسر محمد یوسف بلوچ پارے کہ لمہ و باوہ ءِ بایدے مرے کہ او تینا چناتے چھٹی تے ٹی امتحان تے کن تیاری کرفر تانکہ امتحان تے ٹی اوفتے فریشانی تون مون تمپ ، امتحانی عملہ نا تعیناتی ءِ زوت کننگک گچین شہرت و آزموندہ کار استاد آتے ڈیوٹی آ خلنگک۔ و امتحان تا گچین وڑاٹ مانیٹرنگ ءِ کننگک ڈیوالائی کروک آ عملہ نا برخلاف محکمانہ کارروائی کننگک و ہمووخت آ امتحانی ہند جاٹ آن اودے کشنگک استاد آک ننکن قابل شرف ءُ تینا ڈیوٹی ءِ ایمانداری اٹ پورو کیر و طالب علم آتے نقل کننگ کن الیپس ہنداٹی ننا غٹ انا عزت ءِ کہ نن صاف و شفاف امتحان اس اڈ ایتن۔
