اسلام آباد۔ 04جنوری (اے پی پی) محکمہ موسمیات نا رداٹ بروک آ بیست ءُ چار گھنٹہ ٹی مالاکنڈ، ہزارہ، راولپنڈی ڈویژن، اسلام آباد، گلگت بلتستان و کشمیر اٹی جاگہ جاگہ غا وخت اس کہ پشاور، کوہاٹ ، مردان ، بنوں ، ڈی آئی خان، کوئٹہ، ژوب، سرگودھا، فیصل آباد، گوجرانوالہ ڈویژن اٹی گڑاس ہند آتیا پِر و مش تیا برف انا گمان ءِ۔ ملک انا ایلو علاقہ غاتے ٹی موسم یخ و پِرکپک۔ سویلی پنجاب و بڑزکو سندھ اٹی سہب انا وخت اٹی گوتلو نا گمان ارے۔ رپورٹ نا رداٹ داوخت آ مری، گلیات، مالاکنڈڈویژن ، گلگت بلتستان و کشمیر نا مشی آ علاقہ غاتے ٹی برف انا ہم گمان ارے۔ محکمہ موسمیات نا رداٹ گدرینگوک آ 24گھنٹہ ٹی ملک انا گیشتر علاقہ غاتے ٹی موسم یخ و پِرکتنے ولے ہزارہ، مالاکنڈ ڈویژن، گلگت بلتستان و کشمیر اٹی گڑاس ہند آتیا پِر و مش تیا برف مس۔ پنجاب نا میدانی علاقہ و بڑزکو سندھ گوتلو نا پلویڑاٹی ئسر۔
