اسلام آباد۔ 04جنوری (اے پی پی) پنجاب نا میدانی علاقہ غاتے ٹی گوتلو نا سوب آن ملتان خانیوال موٹروے ءِ ٹریفک کن بند کننگانے۔ ملک انا گیشتر علاقہ غاتے ٹی یخ انا شدت برقرار ءِ وخت اس کہ میدانی علاقہ غاتے گوتلو تینا پلویڑ اٹی ہلکونے ہرانا سوب ٹریفک نا روانی بھاز زہمی مسنے۔ ملتان خانیوال موٹروے ءِ بند کننگانے۔ جمعہ نادے آ لاہور، اسلام آباد، گوجرانوالہ، سرگودھا، فیصل آباد وکوئٹہ تون اوار گڑاس ہند آتیا پِر و مش تیا برف انا گمان ءِ۔ موٹروے پولیس نا ترجمان نا رداٹ چیچہ وطنی ، میاں چنوں، لودھراں، بہاولپور، احمد پور شرقیہ تون اوار ایلو علاقہ غاتے ٹی گوتلو تالان ءِ۔ ملتان خانیوال موٹروے ءِ گوتلو نا سوب آن ٹریفک کن بند کننگانے۔ موٹروے پولیس نا کنڈآن شاری تے فوگ لیٹ آتا کاریم اٹ اتنگ و بے سوب سفر کننگ آن پاناد کننگ نا پارت کننگانے۔
