اسلام آباد۔ 04جنوری (اے پی پی) بنجائی وزیر پاور ڈویژن عمر ایوب خان پارینے کہ پنجاب و قطبی سندھ اٹی گوتلو نا سوب آن بجلی نا ترسیل اٹی ہروڑنا تکنیکی خرابی ءِ مر کننگ کن ہڑدڑی ٹیم مقرر کننگانے۔ بیرہ زیات لاسز انگا علاقہ غاتے ٹی لوڈمینجمنٹ کننگ انگ ءِ۔ جمعہ نادے آ اسہ بیان اسے ٹی اوپارے کہ بجلی نا ترسیل و پیداوار نا حالیت آتے ٹی گچینی بسنے و ہڑدڑی ٹیم تے دا زمواری تننگانے کہ او ہر علاقہ ٹی بجلی نا خرابی ءِ مر کننگ کن دمدستی وڑاٹ گام گیج کیر۔ غٹ ڈسٹری بیوشن کمپنی تا چیف ایگزیکٹو آفیسر آتے حالیت آتون مون تننگ کن پورو تیار سلنگ نا گرج ءِ۔
