اسلام آباد۔ 04جنوری (اے پی پی) سیکورٹی فورس آتا قطبی وزیرستان اسپین وام بر کلے ٹی سرچ آپریشن اٹی اسہ دہشت گرد اس خلنگا ہرانا کوزہ غان دستی بمب و بارودی مواد ہم دوئی کننگانے۔ پاک فوج انا شعبہ تعلقات عامہ (آئی ایس پی آر)نارداٹ قطبی وزیرستان نا تحصیل اسپین وام نا علاقہ برکلے ٹی اودیم احوال آ کارروائی کننگا، ہراٹی اسہ دہشت گرد اس خلنگا۔ کارروائی ٹی آئی ای ڈی جوڑ کننگ نا دستاویز، ایم ایس جی، دستی بمب ، میگزین و بارودی مواد دوئی مس۔ یات سلے کہ آپریشن ردالفساد 2017ء ٹی بناکننگا ہرانا رداٹ وزیرستان تون اوار مچ آ ملک اٹی دہشت گرد و اوفتا کمکار آتا برخلاف کارروائی کننگا۔ داکان مست ایف سی بلوچستان قلعہ سیف اللہ و کاہان نزد ماونڈ اٹی آئی بی او آپریشن اٹی کارروائی کرسا دہشت گردی نا کوشست ءِ بے سہب جوڑ کریر، دا دہشت گرد صوبہ نا امن ءِ خراب کننگ خواہسکہ۔ اوفتا کوزہ غان بھلو سلہہ اس، گولہ بارود و مواصلاتی ازباب دوئی کننگانے۔
