اسلام آباد۔3جنوری (اے پی پی ) سینیٹءِ چیئرمین محمد صادق سنجرانیءَ گشتگ کہ پاکستانءُ بحرینءِ نیامءَ راج دپتری، دودءُ ربیدگی ، سماجی ءُ مزن گسی نزیکی ءَ را اقتصادی تکءَ مھکم کنگءِ ضلورت ایں۔ سینیٹ سیکرٹریٹ ءِ ردءَ سینیٹءِ چیئرمین ءَ اے حیالانی درشانی بحرین ءِ سفیر محمد ابراہیم محمد ءَ گوں پنچ شمبے ءِ روچءَ مزن گسءَ کتگ۔ سینیٹ چیئرمین ءَ بحریک ءِ گچین کاری کنگءِ مراد بات داتگءُ ایوان ءِ اولی زالبول سپیکر فوزیہ عبداللہ یوسف ءَ را اسپیکر گچین بوہگءِ مراد بات داتگ۔ آئیءَ گشتگ کہ مسلم امہ ءَ جیڑہءُ جنجالانی گیش ءُ گیواری کنگءَ المی ایں کہ مہ تپاک بباں ۔ آئیءَ گشتگ کہ پاکستان بحرین ءَ گوں بیپاری ءُ اقتصادی کمک ءَ را گیش کنگءِ واہشت مند ایں۔ صادق سنجرانی ءَ گشتگ کہ جیڑہءُ جنجال ہم تپاکی ءَ گیش ءُ گیوار بنت۔ سینیٹءِ چیئرمین ءَ پاکستانءُ اردن ءِ نیامءَ دونیمگی کمک ءَ را گیش کنگءِ ضلورت ءِ سرءَ زور پرِ داتگءُ مزن گسی تکءَ ڈلّاں یکے دومی ءِ گورءَ دیم دیئگءِ واہشتءِ درشانی کتگ۔
