اسلام آباد۔3جنوری(اے پی پی ) ملک ءِ صدر ڈاکٹر عارف علوی ءَ گشتگ کہ زبان راجانی ضامن بیت، راج مدام وتی راجی زبانءِ درشانی ءَ کن اَنت، اُردو مے راجی ، راجدپتری ءُ لبزانکی میراث اِت ۔ اے حیالانی درشانی آئیءَ پنچ شمبے ءِ روچءَ ادارہ فرو غ قومی زبان ءِ نیمگءَ داتگیں شونشت ءَ کتگ۔ اے موہءَ راجدپتری ءُ لبزانکی ورثہ ڈویژن ءِ وزیر شفقت محمود ہم ساڑی بوتگ۔ ملک ءِ صدرءَ گشتگ کہ نوکیں دورءِ لوٹءِ ردءَ انگریزی زبان زانگ المی ایں بلے راجی زبان ہم ڈلگچار کنگ مہ بنت۔ صدرءَ اے گپءِ سرءَ زور پِرداتگ کہ زبان راجانی پجار بیت پہ اے ھاترءَ اُردو زبانءَ دیمروئی دیئگءَ پاکستانءِ ہمک شہری وتی کردءَ پیلو بہ کنت۔
