مزن وزیر عمران خان ءِ ترکی ءَ ڈل ءِ ھمبراھی ءَ ٹوھیں شاھزانت جلال الدین رومی ءِ مزار ءِ سر ءَ پُل آنی چادر پر دات ءُُ پاتیہ وانی کت

قونیہ۔ 3 جنوری (اے پی پی) مزن وزیر عمران خان ءَ پنچ شمبے ءِ روچ ءَ ترکی ءِ دو روچی سرکاری تر ءُُ تاب ءِ ساھت ءَ وتی ڈل ءِ ھمبراھی ءَ شاھزانت جلال الدین رومی ءِ مزار ءِ سر ءَ ھازری دات۔ مزار ءِ سر ءَ پُل آنی چادر پر دات ءُُ پاتیہ وانی کت۔ اے موہ ءِ سر ءَ ٹوھیں شاہزانت ءَ را توسیپ ءُُ ستا پیش کنان ءَ گوشت کہ مولانا جلال الدین رومی ءِ نام مُدام صوفی شاہزانت آنی لڑ ءَ نمیران انت۔ آئی ءَ گوشت کہ مولانا روم علامہ اقبال ءِ روحانی پیشوا بوتگ۔ مزن وزیر ءَ گوشت کہ ترکی ءِ گوما مئے راجدپتری سیولائزیشن ءُُ دود ءُُ ربیدگی یکوئی کرنی اَنت۔