اسلام آباد۔ 3 جنوری (اے پی پی) بُنجاھی وزیر ءُُ ڈپٹی چیئرمین پلاننگ کمیشن مخدوم خسرو بختیار ءِ سروکی ءَ سنٹرل ورکنگ ڈویلپمنٹ پارٹی ءِ دیوان ءَ دیوان برجم دارگ بوت ایشی ءِ تہ ءَ سیکرٹری پلاننگ ظفر حسن ، کمیشن ءِ باسک، بُنجاھی ءُُ صوبائی حکومت آنی ٹوھیں کارندہ آں بھر زوری کت۔ سی ڈی ڈبلیو پی ءَ پولیو ءِ ھلاسی ءِ واستہ ایمرجنسی پلان و نئی گاج ڈیم ءِ منصوبگ آنی سر ءَ چار ءُُ بچار کت۔ فورم ءَ ٹرانسپورٹ ءُُ ہاؤسنگ ءِ صوبگ آنی دو پوزیشن پیپرز ھم پیش کنگ بوت۔ دیوان ءِ ساھت ءَ پولیو ءِ ھلاسی ءِ ھوالگ ءَ 986.3 ملین ڈالرز منصوبگ ءِ سر ءَ بریفنگ دیگ بوت۔ فورم ءَ را گوشگ بوت کہ سال2019ءِ گڈ ءَ تاں پولیو ءَ را گر ءُُ دار کنگ ناممکن بیت، پولیو ءِ سرجمی ءَ ھلاسی ءُُ گر ءُُ دار ءِ واستہ گیش 2دو سال ءِ وھد ءُُ پاس در کار بیت۔ بُنجاھی وزیر ءُُ ڈپٹی چیئرمین پلاننگ کمیشن مخدوم خسرو بختیار ءَ اے موہ ءِ سر ءَ گوشت کہ پولیو ءِ ھلاسی راجی ترجی آنی تہءَ ھوار انت ءُُ ایشی ءَ را سرجمی ءَ گر ءُُ دار ءِ واستہ ٹوھیں گامگیج ءِ ضلورت اِنت۔ سی ڈی ڈبلیو پی ءَ پولیو ءِ ھلاسی ءِ ھوالگ ءَ چار ءُُ بچار کتگیں منصوبگ آناں ایکنک روان دیگن ءِ ادارکی منظوری دیان ءَ پنت ءُُ شون جاڑی کت کہ منصوبگ ءِ گر ءُُ دار ءِ واستہ مانیٹرنگ میکانزم جوڑ کنگ بہ بیت، صوبگ آنی نیمگ ءَ پولیو ءِ ھلاسی ءِ ھاترا زرتگیں وام آنی دیگ ءِ دل یکیمی کنگ بہ بیت، پولیو وائرس ءِ استیں بُنزیاہ آناں صوبگ آنی گوما ھمگامی ءَ ھلاس کنگ ءِ گامگیج کنگ بہ بیت، سیادی داروکیں وزارت ھپت روچ ءِ اندر ءَ توامیں سپارش آناں سرپدی ءِ گامگیج ءِ گوما کمیونیکیشن ءِ ھرچ ءُُ درچ ءِ ھال ھم پجاری کنت اِنت۔ سی ڈی ڈبلیو پی ءَ کساس 47732.5 ملین کلدار ءِ سر ءَ چار ءُُ بچار ڈدہ نوکیں گج ڈیم منصوبگ ءِ سر ءَ ھم چار ءُُ بچار ھم کت۔
