اسلام آباد۔ 03جنوری (اے پی پی) وزارت ریاستیں و سیمی امور نا مچ آ ملک اٹی غیر رجسٹرڈ اوغان مہاجر آتا رجسٹریشن نا رداٹ 8لکھ 89 ہزار مہاجر آتے رجسٹرڈ کرینے۔ ڈائریکٹر چیف کمشنر آفس اوغان مہاجرین شینہ اے پی پی تون پنچ شنبے نادے آ ہیت وگپ کرسا پارے کہ وزارت سیفران نادرا نا کمک اٹ مچ آ ملک اٹی غیر رجسٹرڈ مہاجر آتا رجسٹریشن نا عمل 2017-18 ء ٹی بناکریسس ہراڑان مچ آ ملک اٹی 8لکھ 89 ہزار اوغان مہاجر آتے رجسٹرڈ کرسا اوفتے سی سی کارڈ جاری کرینے۔ اوپارے کہ نادرا رجسٹریشن کننگ کن مچ آ ملک اٹی 22 ہند جاٹ جوڑ کریسس۔ رجسٹریشن نا عمل اگست 2007 ء ٹی بناکرسا مارچ 2018 ء ٹی چٹاسس۔ رجسٹریشن نا عمل آن مچ آ ملک اٹی غیر کانودی وڑاٹ رہینگوک آ اوغان مہاجر آتے رجسٹرڈ کرینے۔
