حکومت نا معدنیات نا بشخ انا شونداری کن جامع حکمت عملی اس تیار کننگ نا فیصلہ

اسلام آباد۔ 03جنوری (اے پی پی) حکومت ملک اٹی معدنیات نا بشخ انا شونداری کن جامع حکمت عملی اس تیار کننگ نا فیصلہ ءِ کرینے و دامسخت کن پوسکن آ وڑوڈول آتیا معدنی پالیسی اس تیار کننگک۔ وزارت پٹرولیم ذرائع نا رداٹ پاکستان اٹی معدنیات نا بشخ اٹی زرکاری و روزگار نا وارخواہی ودفنگ نا بھلو وارخواہی اس ارے ہرافتا کمک اٹ دا بشخ انا برآمد آتے ہم ودفنگ مریک و دامسخت کن کاروباری برادری معدنیات نا چاہندار آتا سلابت اٹ پوسکن آ معدنی پالیسی ءِ گڈیکو دروشم اس تننگک۔ دا چرجوئی ٹی اسہ سلاہ ئی بنائی وڑاٹ تیار کننگانے ہرادے چاہندار و تعلقدار کڑدہ غاتا سلابت اٹ پین گچین جوڑ کننگک۔