اسلام آباد۔ 03جنوری (اے پی پی) تیل و گیس انا بشخ اٹی زرکاری کروک آ ایگزون موبل 27 سال آن پد پاکستان اٹی سمند راٹی تیل و گیس انا پٹنگ نا بناءِ کیک ، ڈٹ آ کاریم ہندا تُو اٹی بناکیک۔ وزارت پٹرولیم ڈویژن نا ذرائع نا رداٹ دا چرجوئی ٹی کمپنی تینا مشینری تے کراچی آ سرکرینے۔ ایگزون موبل اٹلی نا کمپنی ای این آئی و ایلو شریدار آتون اواری اٹ سمندر اٹی کرک آن 280 کلومیٹر نا فاصلہ غا تیل و گیس انا پٹنگ نا کاریم ءِ بناکیک۔ کمپنی تیل انا پٹنگ کن بحری جہاز و ہیلی کاپٹر بنائی وڑاٹ مسہ تُو اکن بست وبند کرینے و دا بحری جہاز آف شورڈرلنگ نا اہم ءُ بشخ اسے ہرا ڈرلنگ شپ کن ڈیزل و ایلو گڑاتے سرکیک۔ آف شور ڈرلنگ نا دا ڈٹ آن پاکستان اٹی تیل و گیس انا بشخ اٹی درملکی زرکاری ءِ ودفنگ اٹ کمک رسینگک۔
