اسلام آباد۔ 03 جنوری (اے پی پی) محکمہ موسمیات نا رداٹ بروک آ بیست ءُ چار گھنٹہ ٹی ملک انا گیشتر علاقہ غاتے ٹی موسم یخ و پِرکپک وخت اس کہ پنجاب نا میدانی علاقہ ، بڑزکو سندھ و پشاور ڈویژن اٹی سہب و شام انا وخت اٹی گوتلو تمنگ و ملک انا گڑاس بڑزکو علاقہ غاتے ٹی گوتلو تمنگ نا گمان ءِ۔ رپورٹ نا رداٹ گدرینگوک آ 24گھنٹہ ٹی مالاکنڈ، ہزارہ، راولپنڈی ڈویژن، اسلام آباد، کشمیر اٹی جاگہ جاگہ غا وخت اس کہ ساہیوال ، لاہور، بہاولپور ڈویژن و گلگت بلتستان اٹی گڑاس ہند آتیا پِر و مش تیا برف مس و پنجاب نا میدانی علاقہ و بڑزکو سندھ گوتلو نا پلویڑ اٹی ئسر۔ ملک انا ایلو علاقہ غاتے ٹی موسم یخ و پِرکتنے۔
