اسلام آباد۔ 03جنوری (اے پی پی) نیشنل ہائی ویز اینڈ موٹرویز نا ترجمان پارینے کہ مانگا منڈی، پتوکی، رینالہ، خورد ، اوکاڑہ، بورے والا، ساہیوال، ہڑپہ، چیچہ وطنی ، میاں چنوں ، خانیوال ، ملتان ، ہارون آباد، فقیر والی، لودھراں ، بہاولپور ، مرید کے، کامونکی ، گوجرانوالہ ، چشتیاں ، شجاع آباد، صفدر آباد، ظفر وال ، شورکوٹ کینٹ، پیر محل، کاہنہ و ایب و کیب اٹی گوتلو نا سوب آن ٹریفک نا روانی زہمی مسنے۔ اوپارے کہ ملتان خانیوال ، موٹروے ایم ٹو لاہور آن کوٹ مومن، پنڈی بھٹیاں ، فیصل آباد و گوجرہ موٹر وے ءِ گوتلو نا سوب آن بند کننگانے ہندا وڑ قصور، اوچ شریف و ایب وکیب اٹی ہم گوتلو نا سوب آن حد نگاہ کم مسنے۔ گوتلو نا سوب آن رشکئی آن پشاور موٹروے ءِ ہم بند کننگانے۔ گوتلو نا سوب حد نگاہ 30 میٹر سلیسونے، اومسافر آتے پارت کرینے کہ گاڈی تیا فوگ لیٹ آتا کاریم اٹ اتنگ و گوتلو ٹی بے سوب سفر کننگ آن پاناد کننگے وخت اس کہ مشکل حالیت اٹ شاریک ہیلپ لین 130 یا ہم سفر ایپ، ایف ایم 95 آن ہم معلومداری ہلنگ کیرہ۔
