ٰٰٓٓاین ٹی ڈی سی و ڈسٹری بیوشن کمپنی تا کارندہ غاتے پنجاب سندھ و خیبر پختونخوا ٹی گوتلو آن بجلی نا نظام اٹی ودی مروک آ خرابی ءِ مر کننگ کن بایدے ہروخت تیار مریر، بنجائی وزیر پاور ڈویژن عمرایوب خان

اسلام آباد۔ 03جنوری (اے پی پی) بنجائی وزیر پاور ڈویژن عمر ایوب خان پارینے کہ این ٹی ڈی سی و ڈسٹری بیوشن کمپنی تا کارندہ غاتے پنجاب سندھ و خیبر پختونخوا ٹی گوتلو آن بجلی نا نظام اٹی ودی مروک آ خرابی ءِ مر کننگ کن بایدے تیار مریر۔ پنچ شنبے نادے آ اسہ بیان اسے ٹی اوپارے کہ پنجاب اٹی ڈسٹری بیوشن کمپنی تا چیف ایگزیکٹو آفیسر آک و سیبکو نا سی ای او ءِ حالیت آتیا سخت نظر شاغوئی مرے تانکہ گوتلو نا سوب آن بجلی نا نظام اٹی ودی مروک آ خرابی ءِ وخت انا زی آ مر کننگ مرے داکان بیدس ایمر جنسی ٹیمک ہم بایدے ہروخت تیار مریر وخت اس کہ چاروکی آ متعین آفیسر آک ہم حالیت آتیا سخت نظر شاغنگ و فنی خرابی ءِ مر کننگ کن دستیاب مریر۔ اوپارے کہ ساڑی حالیت آتے ٹی دا ننکن اسہ چیلنج اسے انتئے کہ بجلی نا لینک روڈ آتیان مر ہم مریرہ و گوتلو نا سوب آن ہم اڑاند آتون مون تروک مریک۔