اسلام آباد۔ 03 جنوری (اے پی پی) وزیراعظم عمران خان ترک صدر رجب طیب اردوان نا سلہ غا پنچ شنبے نادے آ ترکی نا 2دے ئی سرکاری دورہ غا رادہ مس۔ وزارت عظمیٰ نا منصب ءِ سنبھالنگ آن پد دا اونا ترکی نا اولیکو دورہ ءِ۔ وزیر خارجہ مخدوم شاہ محمود قریشی، وزیر خزانہ اسدعمر، وزیر ڈٹ بندی مخدوم خسرو بختیار و وزیراعظم نا سلاہکار واپار عبدالرزاق داؤد تون اوار بڑزکو کہول انا ڈل ہم وزیراعظم تون اوار ءِ۔ دورہ ٹی وزیراعظم عمران خان ترکی نا صدر تون اوڑدہی و ہڑتوم آ ملک آتا نیام اٹ تین پہ تینی تعلقداری نا گیشتر معاملہ غاتیا گپ و تران کیک۔ داٹی علاقائی و جہانی حالیت آتیا ہم گپ و تران مریک۔ وزیراعظم انقرہ ٹی اڈ کننگ نا وخت آ بزنس فورم آن تران و ترک کاروباری شخصیت و گمانی ءِ کہ زرکار آتون اوڑدہی ہم کیک۔
