اسلام آباد۔2جنوری (اے پی پی) مزن وزیر عمران خان ترک صدر رجب اردوان ءِ دعوتءَ پنچ شمبے ءِ روچءَ ترکی ءِ د و روچی سرکاری ترءُ تابءَ کنت۔ مزن وزیر ءِ ہمراہ دری کارانی وزیر مخدوم شاہ محمود قریشی، منصوبہ بندی ءِ وزیر مخدوم خسروبختیار ءُ مزن وزیر ءِ بیپاری صلہ کار عبدالرزاق داؤدءَ ہوار مزن تکءِ ڈل ہم بیت۔ ترءُ تابءَ مزن وزیر عمران خان ترکی ءِ صدر ءَ گوں گندءُ نند ءُ دوئیں ملک آنی نیامءَ سیادیءِ سرءَ حیالءُ لیکہءِ درشانی کنگ بیت۔ اے موہءَ دمگی ءُ میاں اوستمانی جاورحالءِ سرءَ ہم حیالءُ لیکہءِ درشانی کنگ بیت۔ دری کارانی کارگس ءِ بیانءِ ردءَ مزن وزیر انقرہ ءَ بزنس فورمءَ گوں تران ءُ ترک بیپاری زرکاراں گوں گند ءُ نند ہم کنت۔ مزن وزیر ءِ اے ترءُ تاب دوئیں حکومت ءُ براتیں ملک آنی اُلس ءَ را گیش یکے دومی ءَ گوں گیش نزیک کنت۔ اے ترءُ تاب ءَ چہ دوئیں ملک آنی نیامءَ ہاس اقتصادی ءُ بیپاری پڑءَ کمک ءُ شریداری ءِ نوکیں کشک درگیجگءَ کمک ہم رسیت۔
