اسلام آباد۔ 02جنوری (اے پی پی) وزیراعظم نا خصوصی کمکار اوورسیز پاکستانیز ذوالفقار عباس بخاری نا خصوصی کوشست آتیان بحرین حکومت 12 پاکستانی ءِ معافی ترسا یلہ کرے۔ ذوالفقار عباس بخاری پیشن نا ملک آتے ٹی بند پاکستانی تا یلہ کرفنگ کن خصوصی کوشست کننگ ءِ۔ تاریخ اٹی اولیکو وار پاکستانی تے کن عام معافی نا پڑو ءِ کننگانے، بحرین نا جیل تے ٹی چندی کیس تے ٹی اوار 12پاکستانی تا یلہ کرفنگ کن بحرین اٹی پاکستانی سفارت خانہ ٹی کمیونٹی ویلفیئر اتاشی سفیر نا کمک اٹ بحرین نا کنگ ءِ خواست کرے ہراٹی بحرین نا کنگ چندی کیس آتے ٹی اوار 12 پاکستانی تے کن لس معافی نا پڑوءِ کرے۔ داوخت آ بحرین نا چندی جیل تے ٹی 40 پاکستانی بے پورو دستاویز و ایلو ڈوہ تے ٹی دزگیر ءُ ہرافتا یلہ کننگ کن کوشست کننگ انگ ءِ۔ وزیراعظم نا خصوصی کمکار اوورسیز پاکستانیز ذوالفقار عباس بخاری 12پاکستانی تا یلہ کننگ آ شاہ بحرین نا منت واری ءِ ہرفے و بحرین اٹی پاکستانی سفارت خانہ نا کوشست آتا ستاءِ کرسا اوپارے کہ او پیشن نا ملک آتے ٹی بند پاکستانی تا یلہ کننگ کن میکنزم اس جوڑ کننگ ءِ اوکان پد تعلقدار ملک آتے ٹی پاکستانی سفارت خانہ غاتے پارت کننگک کہ او دا بندغ آتا یلہ کننگ کن پبی کوشست کرسا اوفتے دیار غیر نا عقوبت خانہ غاتیان کشفر۔
