اسلام آباد۔ 02جنوری (اے پی پی) واپڈا کیہی عشرہ غاتیان ہرے نا گواچی مہمند ڈیم ءِ جوڑ کننگ نا کسر آ شاغا۔ ڈٹ آ کاریم نا بناءِ ہندا تُو انا ارٹ میکو ہفتہ ٹی کننگک۔ چارشنبے نادے آ واپڈا ذرائع نا رداٹ کیہی عشرہ غاتیان ہرے نا گواچی مہمند ڈیم ہائیڈرو پاور پروجیکٹ کون آ اہم انگا ڈٹ ءِ جوڑ کننگ نا کسر آ شاغانے۔ ڈٹ انا جوڑ کننگ اٹ بروک آ کانودی، مالی و تکنیکی دشواری تے مر کننگانے و ڈٹ انا بناءِ جنوری نا ارٹ میکوہفتہ ٹی کننگک۔ پیپرا و پاکستان انجینئرنگ کونسل نا کانود آ عمل کرسا شفاف وڑاٹ ڈٹ انا جوڑ کننگ نا کنٹریکٹ ایوارڈ کننگ نا مرحلہ ءِ بناکننگا۔ پیپرا و پاکستان انجینئرنگ کونسل نا کانود ءِ مون آتخسا اہل کمپنی و جوائنٹ وینچر آن بڈز بٹنگ انگا۔ 23 کمپنی بڈ دستاویز ات ہلکر وخت اس کہ اِرا جوائنٹ ونچرز تخوک آ تاریخ آ تینا بڈز ءِ جمع کرفے۔ جوائنٹ ونچرز نا نمائندہ غاتا ساڑی گری ٹی تخوک آ تاریخ یعنی 26جون آ تکنیکی بڈز ءِ ملنگ انگا۔
