مالاکنڈ، ہزارہ، مردان ، راولپنڈی ، گوجرانوالہ ، لاہور ڈویژن، اسلام آباد، گلگت بلتستان و کشمیر اٹی گڑاس ہند آتیا پڑی پڑی پِر و مش تیا برف انا گمان ءِ، محکمہ موسمیات

اسلام آباد۔ 02 جنوری (اے پی پی) محکمہ موسمیات نا رداٹ مالاکنڈ، ہزارہ ، مردان ، راولپنڈی، گوجرانوالہ، لاہور ڈویژن، اسلام آباد ، گلگت بلتستان و کشمیر اٹی گڑاس ہند آتیا پڑی پڑی پِر و مش تیا برف انا گمان ءِ وخت اس کہ ملک انا ایلو علاقہ غاتے ٹی موسم یخ و پِرکپک۔ رپورٹ نا رداٹ گدرینگوک آ 24گھنٹہ ٹی پنجاب نا گڑاس میدانی علاقہ، بڑزکو سندھ و پشاور ڈویژن اٹی سہب انا وخت آ گوتلو ئس و ملک انا گیشتر علاقہ غاتے ٹی موسم یخ و پِرکتنے۔ ہنداوڑجاڑ انگا شار راولپنڈی و اسلام آباد تون اوار چندی علاقہ غاتے ٹی پِر آن درجہ حرارت اٹی کمتی مسنے۔