اسلام آباد۔ 01جنوری (اے پی پی) پاکستان 537 بھارتی بندی تا فہرست ءِ اسلام آباد اٹی بھارتی ہائی کمیشن نا حوالہ کرے ہرافتے ٹی 54شاری و 483ماہی گیر اوار ءُ۔ سے شنبے نادے آ ترجمان دفترخارجہ نا کنڈآن جاری بیان نا رداٹ حکومت پاکستان دا معلومداری تے 21مئی 2008 آ مروک آ پاک بھارت معاہدہ نا رداٹ فراوان کرے۔ معاہدہ نا رداٹ سال اٹی 2وار ہڑتوم آ ملک آک بندی تا سرجم آتے ایترہ۔ ترجمان نا رداٹ بندی تا سرجم آتے تننگ یکم جنوری و یکم جولائی آ کننگک۔ بیان اٹی پاننگانے کہ بھارت ہم نئی دہلی ٹی پاکستانی ہائی کمیشن ءِ بھارت اٹی قید پاکستانی تا فہرست ءِ فراوان کیک۔
