ہری پور۔ 01جنوری (اے پی پی) بنجائی وزیر توانائی عمر ایوب خان کانگڑہ کالونی نا الس نا خواست ءِ منظور کرے، بنجائی وزیر اسٹ نا جاگہ غا اِراپارک نا جوڑ کننگ نا پڑو ءِ کرے۔ کانگڑہ کالونی نا ناظم آصف یوسف خان و ایلو علاقہ نا سرکڑدہ غاک پبلک ڈے انا وخت آ وزیر توانائی تون اوڑدہی کریر ہراٹی او کانگڑہ کالونی سیکٹر نمبر 1 اٹی پارک اس جوڑ کننگ نا خواست کریر، ہر دلعزیز لیڈر السی خواست آ اسٹ نا جاگہ غا اِراپارک منظور کرے ہرا کانگڑہ کالونی نا اِرا جتا سیکٹر زون و ٹواٹی جوڑ کننگرہ ہرافتا جوڑ کننگ کن جاگہ نا تعین ءِ ہم علاقہ والاک تینٹ کیرہ۔ کانگڑہ کالونی نا الس تینا خواست انا دمدستی منظوری آ وزیر توانائی عمر ایوب خان ءِ خراج تحسین پیش کرسا پاریر کہ او وعدہ آخا عملی ءُ کاریم اس کرسا الس نا است ءِ کٹانے۔
