اسلام آباد۔31دسمبر(اے پی پی) مزن وزیر عمران خان ءَ فاٹا ءِ لھتیں دمگانی دیمروئی ءَ راہاسیں دلگوشی داتگءُ پنتءُ شون کتگ کہ اے دمگانی پنچ لکھ حانداناں جان ءُ سلامتی کارڈ تاں جنوریءَ سرکنگ بندات کنگ بہ بیت وہدے کہ لوکل گورنمنٹ ءِ نظام ءَ را زوتاں چہ زوت کنگءِ کوشست گشادی ءَ کنگ بہ بیت۔ آئیءَ اے گپ دوشمبے ءِ روچءَ فاٹا ءِ لھتیں دمگانی دیمروئی ءِ ہوالگءَ مزن تک ءِ دیوانءِ سروکی کنانءَ کتگ۔ دیوانءَ حزانگءِ وزیر اسد عمر ، گورنر خیبر پختونخوا شاہ فرمان ، سروزیر محمود خان، مزن وزیرءِ ہاسیں صلہ کار شہزاد ارباب، ہاسیں کمک کار افتخار درانی، صوبائی حزانگءِ وزیر تیمور سلیم خانءُ دگہ افسر ہوار بوتگ اَنت۔ دیوانءَ فیصلہ کنگ بوتگ کہ صوبائی کابینہ ہمک ماہ ءَ دیمروئی کار انی تپاسی ءَ کنت۔ آئی ءَ پنتءُ شون کتگ کہ اے دمگاں وانگ ءُ زانگ ، جانءُ سلامتی ءُ پولیس ءِ ادارگانی حالی سیٹ آنی سرءَ بھرتی زوتاں چہ زوت کنگ بہ بیت۔
