روپئی نا قدراٹی پدریسہ کمتی آ ایف آئی اے، سید علی رضا عابدی نا خون آ سندھ حکومت آن رپورٹ ءِ بٹنگ انگ
اسلام آباد۔ 31 دسمبر (اے پی پی) سینیٹ نا قائمہ کمیٹی داخلہ ای سی ایل (ترامیمی) بل 2018 ء ءِ امنائی وڑاٹ منظور کرے۔ کمیٹی روپئی نا قدر اٹی پدریسہ کمتی نا نوٹس ءِ ہلسا ایف آئی اے آن رپورٹ ءِ بٹنگا۔ دوشنبے نادے آ سینیٹر اے رحمان ملک نا کماشی ٹی سینیٹ نا قائمہ کمیٹی داخلہ نا دیوان پارلیمنٹ ہاؤس اٹی مس ہراٹی کمیٹی نا چیئرمین سینیٹر اے رحمان ملک بھارتی ریاستی دہشت گردی نا پبی لوز آتے ٹی مذمت ءِ کرسا پارے کہ وزیراعظم مودی نا اقتدار اٹی بننگ آن پد بھارتی ریاستی دہشت گردی ٹی ودکی مسنے۔ دیوان اٹی کمیٹی کشمیر نا شہید و سید علی رضاعابدی نا روح انا ثواب کن دعا پاتیا کرے۔ کمیٹی نا چیئرمین پارے کہ مسکوہی ایم این اے سید علی رضا عابدی نا بہیمانہ خون آ کمیٹی ڈکھ و است ہسونی نا درشانی ءِ کیک۔ اوخواست کرے کہ حکومت سندھ سید علی رضا عابدی نا خونی تے دزگیر کرسا غمزدہ خاہوت ءِ انصاف فراوان کے ، اوپارت کرے کہ حکومت سندھ سید علی رضا عابدی نا خون آ رپورٹ ءِ زوت پیش کے۔ سینیٹر اے رحمان ملک پارے کہ کمیٹی دیوان اٹی مسکوہی چیئرمین سینیٹ سینیٹر رضا ربانی نا ساڑی گری ءِ قدر انا نظر اٹ ہرک و اودے تینا دیوان اٹی سینیٹر رضا ربانی ءِ بخیر اٹ پاہک۔ دیوان اٹی ای سی ایل ترمیمی بل 2018 ء آ شرہ کننگا۔ مسکوہی چیئرمین سینیٹ سینیٹر رضا ربانی نا کنڈآن ای سی ایل نا کانود ءِ بدل کننگ نا بل ءِ پیش کننگاسس۔ کمیٹی نا چیئرمین ای سی ایل آ پن تا شاغنگ نا پالیسی آ وزارت داخلہ غان وضاحت طلب کرے۔ اوپارے کہ ای سی ایل آ پن تے کس اسے نا خواہش آتیا آخا بلکن کانود نا رداٹ شاغنگے۔ سینیٹر رحمان ملک پارے کہ ننے ای سی ایل آ جامع رپورٹ اس درکار ءِ ہراٹی پاننگے کہ نیب، ایف آئی اے و ایلو ادارہ غاک ہراہراسٹ نا پن ءِ شاغنگ نا سفارش کریر۔
