کراچی۔ 31 دسمبر (اے پی پی) صدر مملکت ڈاکٹر عارف علوی پارینے کہ بینکاری محتسب تون اوار غٹ ادارہ غاتے خذمت آتا فراوانی کن پوسکن آ انفارمیشن ٹیکنالوجی ءِ کاریم اٹ اتنگ نا گرج ءِ، بینکاری بشخ اٹی ودوک آ سائبر ڈوہ تا برخلاف تدارکی گام گیج آتے بایدے المی جوڑ کروئی مرے۔ اوداہیت ءِ بینکنگ محتسب انیس الحسنین تون ہیت وگپ کرسا پارے ہرادوشنبے نادے آ داڑے اوڑتون اوڑدہی کرے۔ صدر مملکت ءِ بینکاری محتسب نا دفتر، سرجزو کارکڑد نا بارواٹی معلومدار کننگا۔ صدر پارے کہ بینکاری محتسب نا سلاہ و سوج و نتیجہ غاتیا عملدرآمد غاو تروک آتا است جمی کن بے کچ اہمیت تخک۔ اوپارے کہ سیمینار آتون اوار آگاہی مہم تا بایدے بناءِ کروئی مرے تانکہ زیات آن زیات خلقت داادارہ غان فائدہ ہرفنگ کے۔ اوپارے کہ بینکاری بشخ اٹی ودوک آ سائبر ڈوہ تا برخلاف تدارکی گام گیج آتے بایدے المی جوڑ کروئی مرے۔ صدر مالیاتی نسخان تیان صارف آتے رکھ تننگ نا بابت بینکاری محتسب نا کڑد انا ستاءِ کرے و ادارہ ءِ تینا ہروڑاٹ کمکاری نا یخین دہانی کرفے۔
