ایران تون خڑکی برادرانہ تعلقداری و پاور نا بشخ اٹی کمکاری نا خواہش مند ءِ
اسلام آباد۔ 31 دسمبر (اے پی پی) بنجائی وزیر پاور عمر ایوب خان ایران تون خڑکی برادرانہ تعلقداری تے مون آ دننگ نا عزم کرسا پارینے کہ پاکستان ہڑتوم آ ملک آتا نیام اٹ پاور نا بشخ اٹی ساڑی کمکاری ٹی ودکی نا است خواہ ءِ۔ اوداہیت ءِ دوشنبے نادے آ داڑے اسلامی جمہوریہ ایران نا سفیر مہدی ہنر دوست تون اوڑدہی ٹی پارے۔ اوایرانی سفیر ءِ باوری ترفے کہ پاور ڈویژن ایران آن 100 میگاواٹ بجلی نا درآمد کن اوڑتون زوت جامع مذاکرات کیک۔ اوڑدہی ٹی ہڑتوم آ برادرو دوست ملک آتا نیام اٹ برادرانہ و دوستانہ تعلقداری تا جوزہ غاتا اعادہ و بجلی نا پیدوار و ترسیل نا بشخ آتے ٹی کمکاری و پوسکن آ گمان تا خواہش نا درشانی ءِ کننگا۔
