اووربلنگ آ سخت کارروائی کننگک، وزارت پاور ڈویژن نا بجلی نا بشخ وپانٹ کروک کمپنی تے پارت
اسلام آباد۔ 31دسمبر (اے پی پی) وزارت پاور ڈویژن بجلی نا بشخ وپانٹ کروک کمپنی تے پارت کرینے کہ بجلی صارف آتا بل آتے ٹی اووربلنگ کننگ نا حالیت اٹ سخت کارروائی کننگک، بجلی صارف آتا غاو تا ازالہ کن وزارت پاور ڈویژن اٹی فیڈرل کمپلینٹ سیل بیست ءُ چار گھنٹہ کاریم کننگ ءِ۔ وزارت نا ذرائع نا رداٹ داہیت آ غٹ بجلی بشخ وپانٹ کروک کمپنی تے باقاعدہ پارت نامہ جاری کرسا معلومدار کننگانے کہ بجلی صارف آتا بل آتے ٹی میٹرریڈنگ نا ڈیوالائی ءِ سگپنہ۔ وزارت ذرائع پارے کہ اووربلنگ نا اسہ اِرا واقعہ تو غلطی اٹ مننگ کیک و اوفتے درست کننگ ءِ المی جوڑ کننگے ولے تسلسل اتون بجلی نا صارف آتا بل آتے ٹی اووربلنگ ءِ سگپنہ و داٹی اوار کارندہ غاتا برخلاف کانودی کارروائی کننگک۔
